ҚР ДСМ СЭБК «Ұлттық сараптама орталығы» ШЖҚ РМК Ақтөбе облысы бойынша филиалының Темір аудандық бөлімшесінің санитариялық-гигиеналық зерттеулер зертханасының зертханашы бос лауазымына орналастыруға конкурс өткізу туралы хабарландыру

Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің «Ұлттық сараптама орталығы» шаруашылық жүргізу құқығындағы республикалық мемлекеттік кәсіпорнының Ақтөбе облысы бойынша филиалы (бұдан әрі – Филиал) Темір аудандық бөлімшесінің санитариялық гигиеналық зерттеулер зертханасының зертханашы бос лауазымына орналастыруға конкурс жариялайды.

Филиал қызметінің мәні денсаулық сақтау саласындағы қызметті жүзеге асыру болып табылады.

Филиалдың мақсаты – халықтың санитариялық-эпидемиологиялық салауаттылығын қамтамасыз ету.

Біліктілік талаптары:

Темір аудандық бөлімшесінің санитариялық-гигиеналық зерттеулер зертханасының зертханашы бос лауазымына орналастыру конкурсына "Гигиена және эпидемиология" немесе "Зертханалық диагностика" немесе "Жаратылыстану ғылымдар, математика және статистика" кадрларын даярлау бағыты бойынша техникалық және кәсіптік білімі, тиісті мамандық бойынша денсаулық сақтау саласындағы маман сертификаты бар Қазақстан Республикасының азаматтары қатыса алады.

Лауазымдық міндеттері:

1. Қоршаған орта объектілерінің зертханалық мониторингі бойынша ақпарат жинауға қатысу.

2. Сынамаларды іріктеуге қатысу, сынамаларды зертханаға қабылдау.

3. Зертханалық есептерді дайындауға қатысу.

4. Сынамаларды дұрыс  алу және зертханаға уақтылы жеткізу.

5. Сынамаларды зертханаға қабылдау, журналға тіркеу.

6. Реагенттерді дайындау және оларды дұрыс сақтау.

7. Ең күрделі зерттеулерді жүргізу, зерттеулердің нәтижелерін өңдеу, хаттамалар беру.

8. Ыдыс жуу сапасын бақылау

9. Зертханалық құрал-жабдықтардың жұмысын бақылайды және санитарлық-эпидемиологиялық қызмет дәрігерінің немесе маманның бақылауымен сауатты жұмыс жасайды. Күмәнді нәтижелер болған жағдайда санитарлық-эпидемиологиялық қызмет дәрігеріне, маманға, зертхана меңгерушісіне хабарлау.

10. Жұмыс орнында және бөлімшеде тазалық пен тәртіпті сақтайды, қауіпсіздік техникасы мен өрт қауіпсіздігі ережелерін қатаң сақтайды.

11. Зертханадағы жұмыс әдістерін жетілдіру бойынша іс-шараларға қатысады.

12. Химиялық реагенттерге, химиялық шыны ыдыстарға және басқа да шығын материалдарына сұраныстарды дайындауға қатысу

13. Алдын ала сертификаттау және аккредиттеу бойынша оқытуға қатысу

14. Химиялық реагенттер мен химиялық шыны ыдыстарды тексеруді жүргізеді.

15. Жаңа медициналық ережелерге, мемлекеттік стандарттарға сәйкес жаңа зерттеу әдістерін меңгереді және т.б.

16. Зертханалық жұмыстар және азаматтық қорғаныс бойынша семинарларға қатысу.

17. Білімді және кәсіби деңгейді арттыу.

18. Зертханалық шыны ыдыстарды, қажетті құрал-жабдықтарды және өнімді сынауға арналған шешімдерді дайындау

19. Сыналған өнім үлгілерін тиісті сақтауды, тасымалдауды, қайтаруды (есептен шығаруды) қамтамасыз ету бойынша рәсімдерді жүзеге асыру

20. ИЦ басқару жүйесінің ішкі аудитін жүргізуге және аудит нәтижелері бойынша түзету шараларын дайындауға қатысу

21. Жаңа стандарттарды, техникалық шарттарды және оларға түзетулерді уақтылы енгізуді және әзірлеуді қамтамасыз етуге қатысу

22. Жұмыс бойынша зерттеу нәтижелерінің синтезін жоспарлауға қатысу

23. Ақпараттық қауіпсіздік талаптарын және биологиялық қауіпсіздік пен биоқауіпсіздік жүйесін сақтау.

Конкурсқа қатысуға ниет білдірген азамат келесі құжаттарды қолма қол немесе курьерлік пошта арқылы ұсынуы қажет:

1) Конкурс Ережелерінің (Кәсіпорын сайтында, «бос жұмыс орындары» бөлігінің соңғы парақта орналастырылған) 1-қосымшасына сәйкес нысан бойынша өтініш;

2) жеке басын куәландыратын құжаттың көшірмесі;

3) кадрларды есепке алу бойынша толтырылған жеке парақ (нақты тұрғылықты мекен-жайы мен байланыс телефондары көрсетілген);

4) лауазымға қойылатын біліктілік талаптарына сәйкес білімі туралы құжаттардың нотариалды куәландырылған көшірмелері;

5) еңбек қызметін растайтын құжаттың көшірмесі;

6) сыбайлас жемқорлық қылмыс жасау бойынша мәліметтердің бар-жоғы туралы анықтама (egov арқылы беріледі);

7) Конкурс Ережелерінің (Кәсіпорын сайтында, «бос жұмыс орындары» бөлігінің соңғы парақта орналастырылған) 2-қосымшасына сәйкес нысан бойынша түйіндеме.

Көрсетілген құжаттардың біреуі болмаса конкурсқа жіберуден бас тартуға негіз болып табылады. Құжаттарды курьерлік пошта арқылы алған жағдайда, олар қайтарылуға жатпайды.

Конкурсқа қатысушы өзінің біліміне қатысты қосымша ақпаратты, лауазымға қойылатын біліктілік талаптарына сәйкес жұмыс тәжірибесін растайтын құжаттарды, кәсіби деңгейін (біліктілігін арттыру, ғылыми дәрежелер мен атақтар беру туралы құжаттардың көшірмелері, ғылыми жарияланымдар, алдыңғы жұмыс орнының басшылығынан ұсынымдар және т.б.) ұсынады.

Конкурс келесі кезеңдерден тұрады:

1) біліктілік бағалау;

2) сұхбаттасу жүргізу;

3) конкурс қорытындысын шығару.

Конкурсты өткізу тәртібі ҚР ДСМ СЭБК «Ұлттық сараптама орталығы» ШЖҚ РМК Басқармасының сырттай отырысының 2023 жылғы 21 қыркүйектегі № 55 шешімімен бекітілген ҚР ДСМ СЭБК «Ұлттық сараптама орталығы» ШЖҚ РМК жұмыскерлерінің бос орын лауазымдарын конкурстық орналастыру ережелерімен (ҚР ДСМ СЭБК «Ұлттық сараптама орталығы» ШЖҚ РМК сайтында орналастырылған) реттеледі.

Құжаттар жұмыс күндері сағат 8:30-дан 17:30-ға дейін (түскі үзіліс 13.00-ден 14.00-ге дейін) Ақтөбе қаласы, Ақтөбе көшесі, 47/1 мекенжайы бойынша қабылданады.

Өтінім берудің соңғы мерзімі: 2026 жылдың 21 сәуірі, 17:30.

Анықтама үшін мына телефонға хабарласуға болады: 8(7132)50-79-79.