Сыбайлас жемқорлыққа қарсы комплаенс бойынша филиал қызметкерлеріне арналған семинар Астана қаласында өтті

30.04.2025

Кәсіпорынның сыбайлас жемқорлыққа қарсы комплаенс қызметі сыбайлас жемқорлықтың алдын алу іс-шараларын жүзеге асыруға жауапты филиал қызметкерлері үшін оқыту семинарын ұйымдастырды. Іс-шара Астана қаласындағы «Зерде» оқу орталығының ғимаратында өтті.

Семинар тақырыбы:
«Сыбайлас жемқорлыққа қарсы комплаенс. Ұйымдағы сыбайлас жемқорлық тәуекелдерін ішкі талдау»

Спикерлер:

• Айдарханов А.Д. – ҚР Сыбайлас жемқорлыққа қарсы іс-қимыл агенттігінің алдын алу қызметінің сыбайлас жемқорлық мәдениетін қалыптастыру басқармасының офицері, аға лейтенант;
• Айпара Адибай – сыбайлас жемқорлыққа қарсы комплаенс бойынша практик-эксперт, ISO37001 сертификатталған жетекші аудитор, комплаенс және іскери этика қауымдастығының мүшесі;
• Ерлаз Жайық – мемлекеттік сатып алулар бойынша сарапшы.

Семинар аясында келесі мәселелер қарастырылды:

• комплаенс тәуекелдері, халықаралық талаптар мен үздік тәжірибелер;
• Қазақстан Республикасының «Сыбайлас жемқорлыққа қарсы іс-қимыл туралы» заңындағы талаптар;
• мүдделер қақтығысы және оны реттеу тәртібі;
• сыбайлас жемқорлық құқықбұзушылық құрамдары және санкциялар;
• пара дегеніміз не және оны болдырмау шаралары;
• антикоррупциялық мониторингтің негізгі қағидаттары.

Семинардың екінші бөлімінде ұйым ішіндегі сыбайлас жемқорлық тәуекелдерін талдау тақырыбы қамтылды:

• жұмыс тобы мен бұйрықтық құжаттарды қалыптастыру;
• деректерді жинау және талдау;
• тәуекел деңгейін бағалау әдістері және тәуекел картасын құру;
• нақты ұсыныстар әзірлеу және іс-қимыл жоспарларын дайындау;
• ұсыныстардың орындалуын бақылау және тиімділігін бағалау.

Қатысушылар сыбайлас жемқорлықтың алдын алу жүйесін тиімді құруға қажетті білім мен тәжірибе алды. Оқыту аяқталған соң, барлық қатысушыларға сертификаттар табысталды.